دەما بەحسێ رۆمانێ دهاتەكرن، من هەست بكێماسیێ دكر ژبەر مە وەك دەڤەرا بادینان چو رۆمانێن هەژی نەبوون
دەما بەحسێ رۆمانێ دهاتەكرن، من هەست بكێماسیێ دكر ژبەر مە وەك دەڤەرا بادینان چو رۆمانێن هەژی نەبوون
دیدار: عبدالرحمن بامەرنی
ژمێژە هاتیە گوتن كو رۆمان خودیكا گەلانە و ئێك ژ رۆماننڤیسێن بەرنیاسێن باژێرێ دهوكێ و خودانێ 11 رۆمانێن چاپكری و 5 كومەلە چیرۆكان، د دیدارەكا تایبەت دا بۆ (صباح كوردستان)، بەحسێ هندەك ژ سەربورا خوە یا نڤیسینا رۆمانێ دكەت و بو ئێكەم جار بەحسا ناڤرۆكا دوو رۆمانێن خوە یێن نە چاپكری دكەت.
ـ هەر چەندە تە ب نڤیسینا كورتە چیروكێ یا دەست پێكری، بەلێ دناڤ خواندەڤای دا تو وەك رۆمان نڤیس دهێیە ناسكرن، ئەو چ پالدەر بوون تو بەرەڤ نڤیسینا رومانێ ڤە بری؟
+ راستە من ب نڤێسینا كورتە چیرۆكێ دەست ب نڤێسینێ كریە و هێشتا یێ بەردوامم و دێ بەردەوام بم، ژبەركو چیرۆكا كورت یا هونەری یا بوویە بەشەك ژ ژیانا من، رۆمان ژی چیرۆكەكە یان چەند چیرۆكن، هندەك بابەت نڤیسەری نەچار دكن و ژ سنورێن كورتە چیرۆكێ دەربازی جیهانا رۆمانێ دكن. دەما بەحسێ رۆمانێ دهاتەكرن، من هەست بكێماسیێ دكر ژبەر مە وەك دەڤەرا بادینان چو رۆمانێن هەژی نەبوون، وەك پشتەڤانیەك ژ بوو رۆمانا دەرڤەرێ من هەموو هەولێن خوە ئێخستنە كاری و دەست بنڤیسینا رۆمانێ كر، ئەز نابێژم من رۆمانا دەڤەرێ پێشئێخست، لێ هیڤیدارم ب وان رۆمانێن خوە من شیابت خزمەتا رۆمانا دەڤەرێ كربت.
ـ دەما پسیارا رومانێ ژ خواندەڤایەكی دكەین، ناڤێ ئێك ژ رۆمانێن تە دبێژیت، تا نوكە تە چەند رومان بلاڤكرینە و بگشتی تە چەند پەرتوك هەنە؟
+ جهێ شانازیێ یە ناڤێ من د ناڤ رۆماننڤیسان دا بێتە گۆتن و ئەو نڤێسینێن من وەك رۆمان بێنە هژمارتن و ببنە پشتەڤان ژ بو رۆمانا كوردی. سەبارەت پسیارا تە، من یازدە رۆمانێن بەلاڤكری هەنە و نهو دو رۆمان ژ بو چاپێ دئامادەنە و پێنج كومەلێن كورتە چیرۆكان یێن چاپكری هەنە و نهو كومەكا چیرۆكێن هونەری ژ بو چاپێ یا ئامادەیە.
ـ دبێژن رۆمان خودیكا گەلانە، بهزرا تە رومانا كوردی شیایە وێنێ مە بەروڤاژی بكەت و جیهان مە تێرا ببینیت؟
+ بێگۆمان رۆمان خودیكا گەلانە، رۆمانا كوردی باشترین خودیكە بc كارەسات و دەردەسەری و كارەسات و ژیانا كوردان. جهێ داخێ یە هەتا نهو مە نەشیایە بەرهەمێن خوە نیشا جیهانێ بدن، ئەڤ پرسە دێ بو وی دەمی مینت هەتا رۆمانا مە بۆ زمانێن بیانی بێنە گهورین، ل وی دەمی ئەم دێ ڤێ بەرسڤێ ژ وان گوهـ لێ بن.
ـ تە گوت دوو رۆمانێن نەچاپكری دئامادەنە بۆ چاپێ، دێ شێی ناڤەرۆكا ئێكێ ژوا نبو خواندەڤای دیاركەی؟
+ نهو من رۆمانەك ب ناڤێ ( فەرمانا رەش) ئامادەیە ژ بو چاپێ، ئەڤ رۆمانە ل سەر حەفتێ و چار فەرمانێن ب سەر كوردێن ئێزدی دا هاتین. ژ فەرمانا ئێكێ هەتا فەرمانا شنگالێ، هندەك روویدانێ مێژوویێ بخوەڤە دگرت. رۆمانا دوویێ بناڤێ ( لەیلوو)، ئەڤ رۆمانە یا جڤاكی كومەلایەتی یە، ل سەر ژیانا كچەكا شێت و بێخوەدانە، توشی گەلەك كارەساتێن جڤاكی دبت
ژیاننامە
ـ ل دەستپێكا سالێن هەشتێیان دەست بنڤیسینێ كرییە.
ـ ل سالا ١٩٨٥ ئێكەمین بەرهەمێ خوە درۆژنامەیا هاوكاری ژمارە ٧٩١ دا بەلاڤ كریە.
ـ ل سالا ١٩٩١ دگەل هندەك هەڤالێن دی، كوڤارا (تیرۆژ) ل سێمێلێ دەركر.
ـ ئەندامێ دامەزرێنەر و بەرێوەبەرێ بنگەهێ رۆشنبیری ل سێمێلێ بوو.
ـ ل سالا ١٩٩٢ بوویە ئەندامێ ئێكەتییا نڤیسەرێن كورد تایێ دهوكێ.
ـ ژ سالا ١٩٩٥ ێ وەرە ل ئەلمانیا ئاكنجی یە.
ـ 11 رومانێن چاپكری هەنە و 5 كومەلە چیروك.
ـ 12 دوو رومانێن نە چاپكری هەنە.
ليست هناك تعليقات:
إرسال تعليق