فاتیمە ئەلصەریدی
و، عبدالرحمن بامةرنىد سەردەمانەكێ نەیێ دویردا، خاستن و خازگینیا رولەكێ كاریگەر د دگێرا دگەهاندنا دوو هاوسەران دا. بەلێ نوكە بارودوخ هاتیە گوهورین و خاستن و خازگینی وەك هەر كارەكێ دیێ بازرگانی یان پرۆژەك لدویڤ قازانجێ دگەریت، دێ كوژمەكێ مەزنێ پارەی بەرامبەری ڤێ چەندێ وەرگریت. یا راستی بیت، هەر كارەكێ بازرگانی بیت ل سەر دوو رێكاران دهێتەكرن، ئەو ژی، پێدڤی و حەزكرنا خەلكی بۆ ڤی كاری. د بارودوخێ خازگینیان دا، پێدڤیاتیا ژنان ب هەڤژینەكێ بدەرفەت دهێتە زانین (ئیستیغلالكرن)، دیسان حەزكرنا زەلامی خاستنا ژنەكا دەوروبەرێن خوە ب جوانیا خوە و لەشێ خوە یێ لێكدای و رێك و پێك وەك نمایشكەرێن جل و بەرگان سەرسورمان بكەت بدەرفەت دهاتە زانین. دڤێ گوتارێ ژی دا، ئەز دێ ل سەر ژنان راوەستم.
بەلێ، ئەڤ ژن و زەلامێن هەنێ بدەرفەت هاتینە زانین (ئیستیغلال). بەلێ دا ل ئەگەرێ دروست و لدیڤ پێدڤی و حەزكرنا وان بگەرین؟! ئەو چ ئەگەرن ئەو نەچاركرین بەرەڤ هاوسەرگیریا ئەلەكترونی یان خوازگینیێن نە راست ڤە بچن.
ئەگەر مە هزر دڤێ چەندێ دا كر، دێ بینین باوەریەكا نە گوهور دمێشكێ ژنێن كومەلگەهی دا هەیە، كو هاوسەرگیری گرنگترین تشتە دژیانێ دا، نەخێر، بەلكو دویرتر ژڤێ چەندێ چوینە و لهندەك دەولەتێن عەرەبی و یێن دەوروبەر وەسا دهێتە دیتن، كو هاوسەرگیری ژیان بخوەیە. دێ هزركەی كو ئەو ژن د مری بوینە و هاوسەرگیری هاتیە، جارەكا دی ژیانێ بوان ب بەخشیت. ژن دڤی دەربارەی دا د شاش نینن، ژبەركو ئەو هوسان هزر دكەن، هەر ژ زارۆكینیێ ل سەر ڤان گوتنان هاتینە پەروەردە و مەزنكرن، هاوسەرگیری وان دپارێزیت و ئارامیە بۆ وان و ئەڤە راستیە و سنەتا ژیانێ یە و شەریعەت ژی ڤێ چەندێ دوپات دكەت.
بەلێ تێگەهێ كو هاوسەرگیری ئەركە و ل سەر ژن و زەلامان پێدڤی یە و ئەگەر هاوسەرگیریێ پێك نەئینن، ئەڤە گونەهەكا مەزنە، ئەم هەمی وێ گوتنا بەرنیاس دزانین (سیبەرا زەلامەكی نەك سیبەرا دیوارەكی). د حالەتەكی ژی دا، ئەگەر سیبەرا زەلامی بۆ وان ژنان نەهاتبیتە نڤیسین؟ د دەمەكیدا ئەم ژنێن جوان و ب رەوشت بوین و بەلێ وان بار د هاوسەرگیرێ دا نەبوویە!؟
هاوسەرگیری هەر ئەوە یا بۆ مرۆڤی د ژیانێ دا هاتیە نڤیسین، برامان ئەو بریارا خودێ یە و كەس نەشێت چ تشتی بگوهوریت، خودێ بتنێ یە شیانێن گوهورینێ هەین و هەر وەكو خودێ مەزن دبێژیت " إِنَّمَا أَمْرُهُ إِژَا أَرَادَ شَیْئًا أَنْ ێقُوڵ ڵهُ كُنْ فَێكُونُ"یس 82. ئەگەر بۆ ژنەكێ هاتبیتە نڤیسین دێ هاوسەرگیریێ پێك ئینیت، دێ هەر پێك ئینیت، خوە ئەگەر د د دوماهیا ر‌وژێن تەمەنێ وێ ژی دا بیت. ل سەر هەمی ژن و زەلامان پێدڤی یە بڤێ چەندێ د باوەردار بن، كو هاوسەرگیری (رزق و نەسیبە).
دبیت بۆ وێ ژنێ نەهاتبیتە نڤیسین، كو هاوسەرگیریێ پێك بینیت. لڤێرە نابیت تەماشای وێ ژنێ بكەین، كو كێماسی لدەف هەنە یان بۆ دیار بكەین كو شەمەندەفرێ ئەو هێلایە. نەخێر و هزار جار نەخێر، لڤێرە شاشی بۆ مە دكەڤیت و رەفتارێن مە كو ئەم وێ ژنێ بریندار دكەین و نەچار دكەین، كو هەست ب كێماسیێ بكەت و وەسا ئەم تێدگەهینین، كو كێشەیەك لدەف وێ هەیە و دڤێت ئەو چارەسەر بكەت. لڤێرە ئەو ژنا ژار دكەڤیتە د دوودلیێ دا، هزر دكەت هاوسەرگیری ژ هەمی تشتەكی گرنگترە و دڤێت بكەتە ئێكەمین ئامانج كو ل سەر بژیت. ئەڤ هزرە ژی دێ لدەف وێ ژنێ مەزن بیت و دێ ل رێگە چارەیان گەریت و دێ وەسان بینیت، كو ئەگەر زوی هاوسەرگیری د تەمەنەكێ دەست نیشانكری دا پێك نەئینا، دێ بو وێ بیتە ئاریشە و یا راستی بیت هاوسەرگیری نە ئاریشەیە و چارەسەریا وێ دكەڤیتە سەر ملێن مە مرۆڤان.
لڤێرە ئەڤ ژنە دێ بەرەڤ رێكێن شاش چیت و دێ بەرەڤ رێكەكێ ڤە چیت خوە یا ژێ پشت راست ژی نەبیت، تا بەرەڤ هاوسەرگیریا ئەلەكترونی ژی بچیت و وێنێن خوە تا ئەو وێنە دبێ ستارە ژی بن یان ژی دێ بەرەڤ خازگینیا چیت و رەنگە دێ پارەیان ژی دەت كو بتنێ شی بكەت، بتنێ یا گرنگ لدەف وێ ئەو شی بكەت و هەست ب كێماسیێ نەكەت. لڤێرە ژی دێ هێـتە د سەردابرن و بهزرا من گونەهـ بتنێ بو وێ ژنێ نینە، بەلكو بۆ تێگەهشتنا كومەلگەهی یە، كو هاوسەرگیری ئامانجا هەر ژنەكێ بیت.
شیرەتا من بۆ هەر دەیكەكێ ئەگەر رزقێ كچا وێ زوی نەهات، هەستا كێماسیێ لدەف كچا خوە دیار نەكە و بەلكو باوەریێ بۆ دروست بكە، هاریكاریا وێ بكە و بەشدار بە دگەل وێ و شیرەتا من بۆ هەر خیشكەكێ ژی، هەمی بزاڤ و هزرێن خوە بدە كاری، بۆ كرنا كارێ باشیێ و هەولبدە داهێنانەك تە هەبیت و ژیانا خوە وەك هەی ببە سەر و خوشیێ بۆ خو ژێ وەربگرە و بلا تە باوەری بخوە هەبیت و شیانێن خوە د رێكێن راست دا بكار بینە.
ليست هناك تعليقات:
إرسال تعليق