نور نەدیم عومران
وهرگێران: عبدالرحمن بامەرنی
"دیارە رۆژەكا نەخوش یا بوراندی" دگەل خوە دا دگوت. بلەز رابوو خارنێ بۆ بەرهەڤ بكەت، بەری ب جل و بەرگێن خوە یێن سەربازی، ژ خەو رابیتەڤە.
"ئەڤ زەلامە زارۆكە، ئەز چەند د پەرێسم!"
د شەڤا بوری دا، نەشیا بنڤیت ژبەر ساریاتیا نڤینا وێ، د ژیانا خوە خرەكێ دا هەست ب گەرماتیێ نە كریە، سەرەرای گەرماتیا روندكێن وێ، ژ ترسا ژ دەستدانا وی.
دەما دگەل تیرۆژكێن ئەلندێ هاتیە دەف، سەرێ خوە دانا سەر سینگا وێ. چاڤێن وی كەفتنە سەر ئێك، پشتی باس ل بوراندنا رۆژا خوە كری دناڤ دوزەخێ دا، دەما روی بروی گروپەكێ تیروری بوین و چەند ژ هەڤالێن وی شەهید بوین.
ب دلوڤانی لێ نێری، پشتی ب زوری پالكێش كریە سەر نڤینا وی، تلێن خوە كرنە دناڤ پرچا وی یا زیڤی دا، ئەوا حەژێدكەت:
ـ خوشتیڤیێ من، رابە ڤە و جهێ نڤستنا خوە راستڤەكە. تو یێ خر خرێ دكەی.
ـ چبوو خوشتڤیا من؟! من تو ماندی كری و نەشێی بنڤی، مانە...؟
ـ نەخێر خوشتڤیێ من؟! ئەز ژبەر تە یا ئالوزم، دبیت تو یێ ماندی بی. وەرە سەرێ خوە ل سەر سینگا من دانە.
كێشا بنك خوە ڤە و بۆ دەست ب ستران گوتنێ كر. بتنێ چەند چركەك بوون و زڤری خر خرا خوە ڤە.
بناڤ چاڤێن وی ڤە ماچی كر، خر خرا وی دێ بێژی ژ وەلاتێ ئەغریق دهێت. ڤەگەریا روژێن ئاكنجییا زانكویێ. بیرا وێ ل خرا خرا هەڤالەكێ هات، شەڤەكا درێژ و ژبەر خەوێ و ماندیبوونێ دكرە گری.
ئەرێ، بوچی دوێ شەڤا زانكویێ دا، وێ دڤیا ژ سەر هەمی عەردەكی برەڤیت، بەلێ نوكە نەڤێت ژ نڤینا خوە دوور كەڤیت؟!
هەر ژ هەیڤێن ئێكێ ژ هاوسەرگیریا خوە، بوویە مودمنا ڤێ موزیكێ و د شەڤێن ئەو بتنێ دگەل خوە دا دمینیت، خەریبیێن وێ دكەت.
بەلكو ئەو خەریبیا هەر تشتەكێ وی دكەت: بێدەنگیا وی، رێڤەچوونا وی، شێوازێ وی دەما بلەز خورانێ دخووت، تورەبوونا وی یا نەرم، حەژێكرنا وی یا بابینیی، هەمی تشتەك ژ وی بەشەكە ژ وێ، ئەو هەمییە.
جارەكادی هشیاركرە ڤە.
ـ چبوو، ئەز هێشتا خر خرێ دكەم؟!
ـ نەخێر، بەلێ ئەڤە نەبوو یا من دڤیا بێژم.
پا چبو كچكوكا من؟
ـ دەما من تو ماندی دیتی، من خوە ژ بیركر و من نە گوتە تە.
ئاخفتنا وێ بری و هێشتا یێ نیڤ نڤستی: دا چ بێژیە من؟!
ب باوەریببوون ڤە گوت:
ـ ئەز وەسان دبینم لڤان نزیكان ببیە باب.
هەست بخوە نەكر و ئەو یا دناڤ دەستێن وی دا بلند دبیت.
ـ تو یا بدوو گیانی؟ ئەی خودێ، شوكور ژ بوو تە. ئەز دێ بمە باب، تو دێ بیە جوانترین دایك.
سەربازێ ژ گورەپانا مرنێ ڤەگەریایی، هەمی ماندیبوون و ئێشان ژبیر كرن، هەست پێكر دێ دگەل زارۆكێ داهاتی ژ دایك بیتە ڤە.
دەستێن خوە لدوور زڤراندن و هەست پێكر، ئەو زارۆكا بهێتە، نە دایكە.
ب هشیاری هەمبێزكر، د دلێ خوە دا گوت: ئەرێ بۆ من هاتیە نڤیسین ئەز ببمە باب؟
روندكێن خوە ژ چاڤێن خوە پاقژ كرن، دا خوشتڤیا وی ئەوا ل سەر سینگێ وی بۆ دەمژمێرەكێ زێدەتر چاڤێن خوە داناینە سەر ئێك، نەبینن. هشیاركر، دا جهێ نڤستنا خوە دروست بكەت، ب حەژێكرن چاڤدێرییا وێ دكر، دگەل گوهدانا موزیكا خر خرا وێ.
ليست هناك تعليقات:
إرسال تعليق